Skip to main content

ROMANCE DO ANTROIDO DE LUGO, 1985

ROMANCE DO ANTROIDO DE LUGO, 1985

(Para cantar coa música de A RIANXEIRA)

 

Darío Xohán Cabana

 

 

O Santo Antroido de Lugo

cando pola rúa pasa,

todos imos ó seu rabo,

ninguén se queda na casa.

 

Ai San Antroido,

Ai San Antroido,

Ai poderoso Señor,

non deixes ós teus devotos

queda pra sempre con nós.

 

O Santo Antroido de Lugo,

cando veu para a cidade,

quería quitarlle o sitio

ó probe de San Froilanhe.

 

Ai San Antroido,

Ai San Antroido,

Ai poderoso Señor,

non deixes ós teus devotos

queda pra sempre con nós.

 

E San Froilán cando o vía,

díxolle todo garboso,

tu quédate no teu sitio,

que onde non, bótoche o lobo.

 

Ai San Antroido,

Ai San Antroido,

Ai poderoso Señor,

non deixes ós teus devotos

queda pra sempre con nós.

 

O Santo Antroido de Lugo

évolo noso padriño,

e tráenos lacón con grelos

orella, cacheira e viño.

 

Ai San Antroido,

Ai San Antroido,

Ai poderoso Señor,

non deixes ós teus devotos

queda pra sempre con nós.