Entroido en Verín

El Entroido de Verínde este año 2022 aún no se podrá celebrar con normalida, CONSULTE LA "AGENDA DE ACTOS "

Verín é unha vila fronteiriza situada no suroeste da provincia de Ourense, paso obrigado cara a Portugal e Castela, na que se celebra anualmente un dos entroidos máis ancestrais, orixinais e participativos de Galicia

O cartel presentado baixo o lema “Non hai dous sen tres” resultou gañador do concurso do Cartel Oficial do Entroido 2018, segundo o reconto da votación popular celebrado o día 19 de decembro na Sala de Exposicións do Concello e Verín.

No proceso de votación participaron un total de 396 persoas que puideron valorar con 3, 2 e 1 punto os tres deseños que máis lles gustaron, dos 14 carteis que concursaban para imaxe oficial do Entroido 2018.

Entre a suma dos votos da veciñanza, o cartel que máis puntuación acadou foi o número 5 titulado “Non hai dous sen tres”, de Manuela Álvarez Rojas.

É o Entroido (Carnaval) de Verín, cita obrigada dentro do panorama cultural e turístico da provincia de Ourense, e como costume popular, que sorprende nun principio ao visitante, este pronto pasará de ser un mero espectador a participar de cheo neste gran evento popular, e é por esta razón pola que queremos convidarvos a gozar desta festa ancestral. ( Bando do Entroido)

XOVES DE COMPADRES

 É o primeiro día do Entroido e a primeira noite de mascarada colectiva.

Antigamente as mozas facían os compadres ou bonecos que imitan a figura dun home, pendurándoos en lugar visible ou percurando aldraxalos e ata queimalos, sempre coa oposición dos mozos que trataban de evitalo.

DOMINGO CORREDOIRO

 Comenzase propiamente a "corre-lo Entroido", xa qua e primeiras horas da mañá hai unha descarga de foguetería e as principais rúas da vila, enchense de algarabío e sonido coa música das charangas.

Celébrase a primeira concentración matinal de cigarróns, que farán a súa aparición para saúdar a todolos veciños a saída da misa.

A tarde-noitiña celebrase na Praza Maior de Verin o primeiro baile de máscaras vespertino o son das orquestras e ten lugar a primeira fariñada, ingrediente indiscutiblemente entroideiro.

XOVES DE COMADRES

 ¡¡CHEGOU O ENTROIDO!!!! Miles de mulleres disfrazad

as participan o Xoves de Comadres en ceas colectivas, enchendo tódolos restaurantes da vila, e pobre do home que estea fóra da casa antes da medianoite..... A esta hora toda esta multitude vaise xuntando nas rúas facendo a procesión da vela e das sabas brancas para recibir ao Entroido e a Raíña do Carnaval no Barrio de San Lázaro, facendo a súa entrada pola calzada medieval que baixa dende o Castelo de Monterrei, escoltados polos cigarróns, para levalos en comitiva percorrendo as rúas do casco vello ata o balcón da raíña do Entroido. Alí escoitaremos o pregón, relato que de xeito satírico, grotesco e burlón, ridiculiza todolos sucesos acontecidos ao longo do ano na vila.

VENRES DE ENTROIDO COMPADREO e COMADREO

 Día no que os veciños e visitantes participan xuntos na festa, amenizados por charangas e orquestras.

 Procesión polas principais rúas da vila de capuchóns e mascaritas

ÁBADO DE ENTROIDO

 Unha descarga de foguetes e bombas, e alboradas coas charangas espertan a todos os veciños.

Pola tarde, na "Praza do Cigarrón", e organizado pola Asociación do Cigarrón, acto solemne no que tres novos cigarróns serán vestidos, con todas as honras en presenza de toda a xente que queira acompañalos nese día tan especial.

DOMINGO DE ENTROIDO

O día grande do Entroido e de maior intensidade.

A primeiras horas da mañá volven a ser protagonistas as bombas e as charangas, pero que xa non espertarán a tantos veciños, posto que serán moitos, mozos e mozas, e non tan mozos/as os que estean esperando despois dunha longa noite de alegría e diversión a chegada do desfile de comparsas e carrozas, que se concentran no Barrio de San Roque ata a súa saída.

LUNS DE ENTROIDO - FARELEIRO

Pola mañá, o son dun foguete para darlle unha tregua a quen dorme e a vez avisar aos e ás superviventes de que a música volve a soar polas rúas coas charangas.

MARTES DE ENTROIDO

É o derradeiro día da gran xolda popular.

Bombas e foguetes arrincan pola mañá coa mesma intensidade como anunciaron a chegada do Entroido.

MÉRCORES DE CINSA

Festivo local, para que a xente descanse -pouco máis hai que dicir...-

"Enterro da Sardiña": Dende os anos trinta e no Mércores de Cinsa, veuse celebrando en Verin o Enterro da Sardiña. Veu sustituir en vilas e cidades ós ceremoniais de despedida do Entroido representados polos sermóns, testamentos e queimas dando ademáis unha nota anticlerical propia das épocas en que tivo o seu máximo esplendor.

O serán do Mércores de Cinsa, reuníanse na Praza Maior unha manchea de xentes ataviadas adrede para un enterro, lanzando prantos e berros lastimeiros pola morte do Entroido, simbolizado nunha sardiña unhas veces e outras nun pelele ou nun home tumabado nunhas andas. Con fachóns acesos daba comenzo o enterro que percorría as rúas da vila entre cantos e recitados en alta voz alusivos ao personaxe morto, e acompañamento de letanías ridiculizantes. Os oficiantes vestían e imitaban aos que saían nos enterros eclesiásticos, levando as veces tan lonxe a burla, que a forza pública tiñan que intervir para rematar co escarnio que tal espectáculo producía nas xentes relixiosas da vila. Dende a Praza e por distintas rúas dirixíase a comitiva cara a ponte do Támega dende a que, entre aies e choros, se botaba o contido do cadaleito ó rio.

Como propio deste día conservouse ó longo do Entroido verinense dos últimos anos un resto dunha destas cantigas que ainda se repite con insistencia pasando a ser case coma un himno oficial destes días:

DOMINGO DE PIÑATA

 Pecha este domingo a semana grande da festa cun xantar colectivo.

Faise entrega ao remate deste xantar do "premio Pescadilla", cedido pola Comisión do Entroido, e entregado a mans da súa viúva, a aquela comparsa que máis abraiados deixase os veciños durante o Desfile do domingo do Entroido.

Este premio é unha lembranza ao "Pescadilla", ao seu papel case imprescindible nesta festa. Falar del e da súa dona, parella inseparable no traballo e na xolda é falar tamén de Entroido. As súas parodias, a súa chispa, o seu bo humor e na súa lareira, sempre aberta a moitos nestas datas de Entroido, argalláronse moitas das máis grandes estrolas que se correron en Verin e que fixeron historia.

Ilmo. Concello de Verín

www.verin.net

www.carnavaldeverin.com

http://entroidoverin.isum.centromultimedia.net/ilive/Main