Entroido e Folións en A Pobra de Trives

Neste concello celébrase cada ano con máis arraigo o entroido. O entroido celébrase o xoves de compadres e comadres.

No  concello hai cinco folións, cada un deles  cun son diferente,  que dan vida e colorido ás rúas da vila nestes días. As rúas da vila énchense de xente para escoitar o ritmo dos folións, caracterizados polo ruído atronador dos bombos que se intensifica polas noites.

Do Xoves de compadres o enterro da sardiña son datas de entroido. Actividades para grandes e pequenos, desfiles de folións, disfraces, comparsas, xoves de compadres e comadres correndo a fariña, formarán o Programa deste Entroido  no Concello de A Pobra de Trives.

Xoves de comadres.

A regueifa está servida

o entroido toca á porta

démoslle a benvida.

A Trives quedades todos convidados

para disfrutarmos xuntos

destes días tan agardados.

Días para se disfrazar

datas de troulear

e se non queres comer fariña

os xoves tes que correr axiña.

Intentando reunir cada ano a un maior número de mulleres disfrazadas, xa imos pola IV Edición da Cea de Comadres organizada dende o Concello. Unha iniciativa con boa acollida que na pasada edición contou con arredor de setenta mulleres disfrazadas, onde a diversión e a festa sempre está asegurada, e o disfraz é o protagonista da noite. Este ano a cea será no Bar Troula e a cita é as 21:30h.

Así, todas as mulleres con ganas de pasalo ben e desfrutar dunha noite de música e disfraces que queiras acudir á Cea de Comadres poderán recoller o seu ticket de entrada na Oficina de Turismo, no Bar Troula ou no Ximnasio Trivesport

Dentro das actividades de entroido, dende o Concello de A Pobra de Trives queremos que os máis pequenos disfruten estes días todo o que se poda e sexan uns protagonistas moi especiais.

Anque lle vimos aquí,

non é por facerlle mal,

vimos por lle anunciar

que estamos no Carnaval.

Aí ven o Entroido e festa rachada,

en A Pobra de Trives faremos foliada.

Chega cheo de ilusión

e poderémosnos disfrazar con moita inmaxinación.