Skip to main content
Entroido en Galicia | Carnaval en Galicia logo
  • Galego
  • Español

turismo galicia

Primary links

  • O Entroido
  • Artigos
  • Gastronomía
  • Qué visitar
  • Axenda
  • Protagonistas
  • Carteis
  • Fotos
  • Publicacións
  • Na rede
Inicio

Entroido en Toen

Axenda de actos

 

labardeiro- toen

O Entroido en Mugares vén celebrando desde hai moitos anos, grazas á labor de recuperación e organización levada a cabo por integrantes da Asociación de Mulleres "Amencer". e conta con dúas figuras típicas que son os "Labardeiros" e as "Señoritas".

Documentábanse aquí os tìpicos cortexos e comitivas integradas por numerosos veciños disfrazados que se desprazan pola parroquia e outros lugares limítrofes, propiciando así a relación entre comunidades veciñas, da que eran exemplo este lugar, Mugares e O Moreiro. Á mesma hora do Martes de Entroido, partían as comitivas carnavalescas, e a de Mugares levando o Mazaruco (moneco feito de palla e disfrazado) e a de Moreiro a Mazaruca, para encontrarse no lugar acordado a medio camiño. En caso de que unha parella se casara nunha data próxima ao Entroido, o noivo era o encargado de facer o moneco do Mazaruco e a noiva a Mazaruca.

Os dous monecos, Mazaruco e Mazaruca, eran transportados en carros de vacas ou de bois ata o lugar citado, onde a comitiva parodiaba o singular encontro. Rematado este acto, o cortexo alegre e multicolor, integrado polos veciños disfrazados de forma variada, volvía reunido a Mugares, acompañados das “señoritas” con vistosos traxes e cos “labardeiros” abrindo paso. Todos en comitiva chegaban á praza para facer un baile de máscaras e unha comedia satírica.

A veces os veciños invitaban aos disfrazados a beber nas bodegas e, antigamente votábase para ensuciar, cinsa e fariña e incluso formigas.

A vestimenta das mulleres consiste nunha saia longa e unha camiseta, todo branco, e por toda a saia cósense moitas flores de cores. Sobre a camisa un pano ben colorido e colares. Zapatos de tacón e na cabeza un chapeu. Xeralmente levan unha cesta con papelitos de cores, pétalos de flores ou caramelos para repartir.

Os "labardeiros" levan unha camisa e un pantalón, brancos e adornados con flores de cores, medias e botas. Na cintura un cinto con campás, e na cabeza un gorro adornado con flores. A súa cara vai tapada cunha rede. Na man unha "labarda" (de aí vén o seu nome), instrumento típico, parecido ao que se empregaba antigamente para mallar o trigo

labardeiros y señoritas, toen

Información que aparece no Concello de Toen

 


 

Máis información do concello
  • Toén
  • Ourense
  • Facebook Like
  • Tweet Widget
  • Google Plus One
  • 42.316526°, -7.954853°

Carteis

Non hai contidos dispoñibles

Facebook Like Tweet Widget Google Plus One

Eventos do Entroido 2023

entroido carnaval antroido galicia dia

Xaneiro

 Sábado do Petardazo

Domingo Faraleiro

Febreiro

Colgamento do meco

 Domingo Oleiro

 Xoves de Compadres

 Noite de Mulleres

 Domingo Corredoiro

 Xoves de Comadres / Noite Corredoiro

Venres de Entroido

Sábado de Entroido

Domingo de Entroido

Luns de Entroido

Martes de Entroido

Mércores de Cinsa / Enterro da Sardiña

Domingo de Piñata

Luns de Farrapos

galicia digital
Aviso Legal | Politica de Privacidad | Política de cookies | Contacto
InternetGalicia